अतिवादी नव्हे शुद्धया बीजाचा । ओळखा जातीचा अंत्यज तो ॥१॥ ॥ध्रु.॥ वेद श्रुति नाहीं ग्रंथ ज्या प्रमाण । श्रेष्ठाचे वचन न मानी जो ॥ ॥ तुका ह्मणे मद्यपानाचें मिष्टान्न । तैसा तो दुर्जन शिवों नये ॥२॥

जो माणूस विनाकारण हट्टाने वाद घालतो, तो शुद्ध बीजाचा, चांगल्या कुळाचा नसतो; तो मुळातच नीच स्वभावाचा आहे असे ओळखा. ज्याला वेद, श्रुती, ग्रंथ यांचे काही प्रमाण वाटत नाही, जो श्रेष्ठांचे बोलणेही मानत नाही - तोच हा माणूस. तुकाराम महाराज म्हणतात, दारूत मिसळलेला गोड पदार्थ जसा खाण्यायोग्य राहत नाही, तसाच हा दुर्जन माणूसही स्पर्श करण्याच्याही लायकीचा नाही, त्याला शिवूही नये.