यमुनेतटीं मांडिला खेळ । ह्मणे गोपाळ गडियांसि ॥१ ॥ ॥ ध्रु. ॥ हाल महाहाल मांडा । वाउगी सांडा मोकळी ॥ १ ॥ नांवें ठेवूनि वांटा गडी । न वजे रडी । मग कोणी ॥२ ॥ तुका ह्मणे कान्हो तिळतांदळ्या । जिंके तो करी आपुला खेळ्या ॥३॥

यमुनेच्या काठी खेळ मांडला, गोपाळ आपल्या सवंगड्यांना म्हणाला. चला 'हाल-महाहाल' हा खेळ मांडूया, फुकटच्या गोष्टी बाजूला सोडून द्या. नावं ठेवून संघ वाटून घ्या, म्हणजे मग कुणीही रडत निघून जाणार नाही. तुकोबा म्हणतात, कान्हा तिळतांदळ्याचा हा खेळ खेळतो, आणि जो जिंकतो तो आपला हक्काचा खेळगडी बनवतो.