तुह्मी गोपी बाळा मज केशा नेणा । इंद्र अमरराणा म्यां चि केला ॥१ ॥ ॥ ध्रु. ॥ इंद्र चंद्र सूर्य ब्रह्मा तिन्ही लोक । माझे सकळीक यम धर्म ॥ १ ॥ मजपासूनिया जाले जीव शिव । देवांचा ही देव मी च कृष्ण ॥२॥ तुका ह्मणे त्यांसी बोले नारायण । व्यर्थ मी पाषाण जन्मा आलों ॥३ ॥

अरे गोपी-बाळांनो, तुम्ही मला अजून ओळखलं नाहीत का? इंद्राला अमरांचा राजा मीच बनवलं आहे. इंद्र, चंद्र, सूर्य, ब्रह्मा, तिन्ही लोक, यम आणि धर्म हे सगळे माझेच अंकित आहेत. माझ्यापासूनच जीव आणि शिव निर्माण झाले, देवांचाही देव मी कृष्णच आहे. तुकोबा म्हणतात, नारायण त्यांना असं सांगतो, तेव्हा (न ओळखणारा) मी व्यर्थच दगडासारखा जन्माला आलो असं वाटतं.