बहु बरा बहु बरा । यासांगातें मिळे चारा ॥१ ॥ ॥ ध्रु. ॥ ह्मणोनि जीवेंसाठीं । घेतली कान्होबाची पाठी ॥ १ ॥ बरवा बरवा दिसे । समागम याचा निमिषें ॥२॥ पुढती पुढती तुका । सोंकला सोंकवितो लोकां ॥३॥

खूप छान, खूप छान, याच्यासोबत राहिलं की चारा-अन्न आयतंच मिळतं. म्हणूनच जिवाभावाने मी कान्होबाची संगत धरली आहे. क्षणाक्षणाला याची सोबत खूप छान, खूप गोड वाटते. तुकोबा वारंवार, स्वतः याच्या सहवासाची चटक लागलेला, इतर लोकांनाही ही चटक लावत जातो.