मजसवें आतां येऊं नका कोणी । सासुरवासिनी बायांनो ॥ १ ॥ न साहवे तुह्मां या जनाची कूट । बोलती वाईट ओखटें तें ॥ २ ॥ तुका ह्मणे जालों उदास मोकळ्या । विचरों गोवळ्यासवें आह्मी ॥ ३ ॥

सासुरवासाचं हे कठीण आयुष्य जगणाऱ्या बायांनो, आता माझ्याबरोबर कुणी येऊ नका. लोकांची ही वाईट कुजबुज, टीका तुम्हाला सहन होणार नाही; ते वाईटच बोलणार. तुकाराम म्हणतात, मी आता पूर्णपणे मोकळी, निरपेक्ष झाले आहे - मी आता त्या गवळ्यांबरोबर मुक्तपणे फिरेन.