काय उणें आह्यां विठोबाचे पाई । नाहीं ऐसें काई येथे एक ॥१॥ ॥ ध्रु. ॥ तें हें भोंवतालें ठायीं वांटूं मन । बराडी करून दारोदारीं ॥१॥ कोण बळी माझ्या विठोबा वेगळा । आणीक आगळा दुजा सांगा ॥२॥ तुका ह्मणे मोक्ष विठोबाचे गांवीं । फुकाचीं लुटावीं भांडारे तीं ॥३॥

विठोबाच्या पायाशी आमच्याकडे काय कमी आहे? इथे असं काहीही नाही जे नाही. मग उगाच सगळीकडे मन विखरून, दारोदार भीक मागत का फिरावं? माझ्या विठोबाहून मोठा, बलवान असा दुसरा कोण आहे, सांगा बरं! तुकाराम म्हणतात, विठोबाच्या गावातच मोक्ष आहे — तिथली भांडारं फुकटातच लुटता येतात.