न सोडीं न सोडीं न सोडीं । विठोबा चरण न सोडीं ॥१॥ ॥ ध्रु. ॥ भलतें जड पडो भारी । जीवावरी आगीज ॥२॥ शतखंड देह शस्त्रधारी । करितां परी न भीयें ॥३॥ तुका ह्मणे केली आधीं । दृढ बुद्धी सावध ॥४॥

मी विठोबाचे चरण सोडणार नाही, अजिबात सोडणार नाही. वाटेल तेवढे मोठे संकट आले, अगदी जीवावर बेतणारे, जीव जाळणारे संकट आले, तरी शस्त्रधारी कोणी माझ्या देहाचे शंभर तुकडे केले तरी मला भीती वाटणार नाही. तुकाराम म्हणतात, मी आधीच अशी घट्ट आणि जागृत मनाची तयारी करून ठेवली आहे.