बरवें बरवें केलें विठोबा बरवें । पाहोनि अंगीं क्षमा कांटीवरी मारविलें ॥१॥ ॥ ध्रु. ॥ शिव्या गाळी नीत नाहीं । बहु फार विटंबिलें ॥२॥ तुका ह्मणे क्रोधा हातीं । सोडवूनि घेतलें रे ॥३॥

विठोबा, तू फार बरे केलेस, अगदी बरोबर केलेस! माझ्या अंगी सहनशीलता (क्षमा) आहे हे पाहूनच तू मला काठीने मारवून घेतलेस. मला शिव्याशाप दिले, अन्यायाने खूप छळले, यात काही न्याय नव्हता. तरीही तुकाराम म्हणतात, देवाने मला रागाच्या तावडीतून सोडवून घेतले.