टाळ दिंडी हातीं । वैकुंठींचे ते सांगाती ॥१॥ ॥ध्रु.॥ जाल तरी कोणी जा गा । करा सिदोरी ते वेगा ॥ जाती सादावीत । तेथें असों द्यावें चित्त ॥२॥ तुका ह्मणे वोल । जाती बोलत विठ्ठल ॥३॥

ज्यांच्या हातात टाळ आणि दिंडी आहे, तेच खरे वैकुंठाला जाणारे सोबती आहेत. कोणी जायचे असेल तर चला लवकर, प्रवासासाठी लागणारी शिदोरी तयार करा. हे वारकरी हाक देत देत जातात, तिकडेच आपले मन लावून ठेवा. तुकाराम महाराज म्हणतात - हे सर्व जण प्रेमाने ओथंबलेल्या मायेच्या स्वरात 'विठ्ठल विठ्ठल' म्हणत चालले आहेत.