रामा वनवास । तेणें वसे सर्व देश ॥१॥ ॥ ध्रु. ॥ केलें नामाचें जतन । समर्थ तो नव्हे भिन्न ॥२॥ वनांतरीं रडे । ऐसे पुराणीं पवाडे ॥३॥ तुका ह्मणे ऋषिनेम । ऐसा कळोनि कां भ्रम ॥४॥

रामाला वनवास घडला, पण त्याच्यामुळेच सगळा देश (अयोध्या नगरी) वसलेली, भरलेली राहिली (त्याचे नाम सर्वदूर पोचले). त्याने रामनामाचेच जतन केले, कारण समर्थ असलेला राम हा त्या नामाहून वेगळा, भिन्न नाही. राम वनात रडत हिंडला, अशा कथा पुराणांत सांगितलेल्या आहेत. तुका म्हणतो, ही तर ऋषींनी घालून दिलेली नेमलेली रीत आहे; हे कळूनही लोकांना उगाच भ्रम का पडावा?