पुढें आतां कैंचा जन्म । ऐसा श्रम वारेसा ॥१॥ ॥ध्रु.॥ सर्वथाही फिरों नये । ऐसी सोय लागलिया ॥२॥ पांडुरंगा ऐसी नाव । तारूं भाव असतां ॥३॥ तुका ह्मणे चुकती बापा । पुन्हा खेपा सकळा ॥४॥

आता यापुढे पुन्हा जन्म कुठला? असा हा जन्म-मरणाचा त्रास आता संपलेला आहे. अशी सोय लागली की मग पुन्हा अजिबात फिरून यावं लागत नाही, पुनर्जन्म घ्यावा लागत नाही. पांडुरंग हीच अशी तारणारी नाव आहे, जर मनात खरी श्रद्धा असेल तर. तुका म्हणतो, बाबांनो, अशाने जन्म-मरणाच्या सगळ्या फेऱ्या चुकतात.