ह्मणतां हरिदास कां रे नाहीं लाज । दीनास महाराज ह्मणसी हीना ॥१॥ काय ऐसें पोट न भरे तें गेलें । हालविसी कुले सभेमाजी ॥२॥ तुका ह्मणे पोटें केली विटंबना । दीन जाला जना कींव भाकी ॥३॥

हरिदास म्हणवून घेताना तुला लाज कशी वाटत नाही रे? गरीब लोकांना 'महाराज' म्हणवून घेतोस आणि स्वतः मात्र हीन वागतोस. काय, पोट भरत नाही का, म्हणून सभेसमोर कंबर हलवत नाचतोस? तुकाराम म्हणतात, पोटासाठी त्याने स्वतःचीच विटंबना करून घेतली; लाचार होऊन लोकांकडे दयेची भीक मागतो आहे.