देखण्याच्या तीन जाती । वेठी वार्ता अत्यंतीं ॥१॥॥ ध्रु. ॥ जैसा भाव तैसें फळ | स्वातीतोय एक जळ ॥२॥ पाहे सांगे आणि जेवी । अंतर महदंतर तेवी ॥३॥ तुका ह्मणे हिरा । पारखियां मूढां गारा ॥४॥

पाहण्याच्या दृष्टिकोनाच्याही तीन जाती असतात; त्यावर वेगवेगळी चर्चा होते. जशी ज्याची भावना तसे त्याला फळ मिळते - जसे स्वाती नक्षत्रातले एकच पावसाचे पाणी कुणाला मोती बनते, कुणाला विष. बघणारा, सांगणारा आणि प्रत्यक्ष अनुभवणारा यांच्यात जमीन-आस्मानाचा फरक असतो. तुकाराम म्हणतात, हिऱ्याची खरी किंमत जाणणाराच ओळखतो; अडाणी माणसाला तो नुसता दगडच वाटतो.