जयाचिये वाचे नये हा विठ्ठल । त्याचे मज बोल नावडती ॥१॥ शत्रु तो म्यां केला न ह्मणे आपुला । जो विन्मुख विठ्ठला सर्वभावें ॥२॥ जयासी नावडे विठोबाचें नाम । तो जाणा अधम तुका ह्मणे ॥३॥

ज्याच्या वाणीत हा विठ्ठल (नामाने) येत नाही, त्याचे बोलणे मला आवडत नाही. जो सर्वभावाने विठ्ठलापासून विन्मुख (विमुख) आहे, त्याला मी शत्रूच मानतो, आपला मानत नाही. ज्याला विठोबाचे नाव आवडत नाही, तुकाराम म्हणतात, त्याला अधमच (नीच) समजावे.