कोठें नाहीं अधिकार । गेले नर वांयां ते ॥१॥ ऐका हें सोपें धर्म । न लभे श्रम चिंतना ॥ध्रु.॥ मृत्याचिये अंगीं छाया । उपाये चि खुंटतां ॥२॥ तुका ह्मणे अवघे जन । येथें मन असोंद्या ॥३॥

ज्याला (नामस्मरणाचा) अधिकारच नाही असे कोठेही कोणी नाही; तरीही जे प्रयत्नच करत नाहीत, असे लोक मात्र उगाच वाया गेले. हा अगदी सोपा धर्म (मार्ग) ऐका - परमेश्वराच्या चिंतनात काहीही कष्ट पडत नाहीत. मृत्यूची छाया अंगावर पडली की मग सगळे उपायच खुंटून जातात. तुकाराम म्हणतात, सर्व लोकांनी आपले मन इथेच, या नामचिंतनातच राहू द्यावे.