येथे दुसरी न सरे आटी । देवा भेटी जावया ॥१॥ ॥ध्रु.॥ तो चि घ्यावा एका चित्तें । करूनि रिते कळेवर ॥ध्रु.॥ षडउर्मी हृदयांत । यांचा अंत पुरवूनि ॥२॥ तुका ह्मणे खुंटे आस । तेथें वास करीतो ॥३॥

देवाला भेटण्यासाठी दुसरी कोणतीही युक्ती इथे चालत नाही. एकाग्र मनाने, देह रिकामा (अहंकारशून्य) करून फक्त त्यालाच धरून ठेवावे. हृदयातील सहा विकार (भूक, तहान, शोक, मोह, जरा, मृत्यू) यांचा शेवट करून टाकावा. तुकाराम म्हणतात, जिथे इच्छा-आस संपते, तिथेच देव वास करतो.