कथा करोनियां द्रव्य घेती देती । तयां अधोगति नरकवास ॥१॥ ॥ध्रु.॥ रवरव कुंभपाक भोगिती यातना । नये नारायणा करुणा त्यांची ॥ध्रु.॥ असिखड्गधारा छेदिती सर्वांग । तप्तभूमी अंग लोळविती ॥२॥ तुका ह्मणे तया नरक न चुकती । सांपडले हातीं यमाचिया ॥३॥

जे कथा-कीर्तन करून त्याचा मोबदला म्हणून पैसे घेतात-देतात, त्यांना अधोगती आणि नरकवास ठरलेला असतो. रौरव आणि कुंभीपाक नावाच्या नरकांत त्यांना यातना भोगाव्या लागतात, इतके की नारायणालाही त्यांची दयाच येत नाही. तलवारीच्या धारेने त्यांचे संपूर्ण शरीर कापले जाते, तापलेल्या जमिनीवर त्यांना लोळवले जाते. तुकाराम म्हणतात, असे लोक नरकातून सुटत नाहीत, ते यमाच्या हाती सापडलेलेच असतात.