अवघा तो शकुन । हृदयीं देवाचे चरण ॥१॥ ॥ध्रु.॥ येथें नसतां वियोग । लाभा उणें काय मग ॥ संग हरिच्या नामाचा । शुचिर्भूत सदा वाचा ॥२॥ तुका ह्मणे हरिच्या दासां । शुभकाळ अवघ्या दिसां ॥३॥

हृदयात देवाचे चरण असणे हाच खरा शुभशकुन आहे. इथे (देवाशी) वियोग नसेल, तर मग आणखी काय कमी पडणार? हरिच्या नामाची सोबत असली की वाणी सदैव शुचिर्भूत (पवित्र) राहते. तुकाराम म्हणतात - हरिच्या भक्तांसाठी प्रत्येक दिवस शुभकाळच असतो.