ऐसी जोडी करा राम कंठीं धरा । जेणें चुके फेरा गर्भवास ॥१॥ ॥ध्रु.॥ नासिवंत आटी प्रियापुत्रधन । बीज ज्याचा सीण तें चि फळ ॥ नाव धड करा सहस्रां नामांची । जे भवसिंधूची थडी पावे ॥२॥ तुका ह्मणे काळा हाणा तोंडावरी । भाता भरा हरिरामबाणीं ॥३॥

असा लाभ मिळवा - रामनाम कंठाशी धरा, ज्यामुळे वारंवार जन्म घेण्याचा फेरा चुकेल. बायको-मुलं-धनासाठी केलेली धडपड शेवटी नाशवंतच असते, दुःखातून पेरलेलं बीज दुःखाचंच फळ देतं. सहस्रनामांची एक भक्कम नाव (होडी) तयार करा, जी या भवसागराच्या पैलतीराला नेऊन पोचवेल. तुकाराम म्हणतात - काळाच्या (मृत्यूच्या) तोंडावर प्रहार करा, हरिराम नामाच्या बाणांनी तुमचा भाता भरून घ्या.