ज्यासी आवडी हरिनामांची । तो चि एक बहु शुचि ॥१॥ जपतो हरिनाम बीज । तो चि वर्णांमाजी द्विज ॥२॥ तुका ह्मणे वर्णा धर्म अवघें आहे सम ब्रह्म ॥३॥

ज्याला हरिनामाची गोडी आहे, तोच खरा पवित्र, शुचिर्भूत माणूस. जो हरिनामरूपी बीजाचा जप करतो, तोच खऱ्या अर्थाने सर्व जातींमध्ये द्विज (उच्च कुळातला) ठरतो. तुकाराम म्हणतात - जातिभेदाच्या पलीकडे, सर्वांसाठी खरा धर्म एकच आहे - सर्वांमध्ये एकच ब्रह्म सामावलेलं आहे.