कृपा करावी भगवंतें । ऐसा शिष्य द्यावा मातें ॥१॥ ॥ ध्रु. ॥ माझें ब्रत जो चालवी । त्यासि द्यावें त्वां पालवी ॥२॥ व्हावा ब्रह्मज्ञानी गुंडा । तिहीं लोकीं ज्याचा झेंडा ॥३॥ तुका तुका हाका मारी । माझ्या विठोबाच्या द्वारीं ॥४॥

भगवंताने कृपा करावी आणि मला असा शिष्य द्यावा. जो माझे व्रत पुढे चालवील, त्याला तू स्वतःच्या पदराखाली (आश्रयाखाली) घ्यावेस. तो ब्रह्मज्ञानी आणि धीट व्हावा, तिन्ही लोकांत ज्याचा झेंडा फडकेल असा. तुका "तुका, तुका" अशी हाक मारतो आहे, माझ्या विठोबाच्या दारात.