फिरंगी वाखर लोखंडाचे विळे । परि ते निराळे गुणमोल ॥१॥ पायरी प्रतिमा एक चि पाषाण परि तें महिमान वेगळालें ॥२॥ तुका ह्मणे तैशा नव्हतील परी । संतजना सरी सारिखिया ॥३॥

फिरंगी नांगराचा फाळ आणि लोखंडी विळा - दोन्ही लोखंडाचेच, पण त्यांची किंमत वेगळी असते. पायरीचा दगड आणि देवाची मूर्ती - दोन्ही एकाच दगडाचे, पण त्यांचा मान वेगळा असतो. तुकाराम म्हणतात, तसेच सामान्य माणसे कधीही संतांच्या तोडीची होणार नाहीत.