नये जरी कांहीं । तरी भलतें चि वाहीं ॥१॥ ॥ ध्रु. ॥ ह्मणविल्या दास । कोणी न धरी वेठीस ॥२॥ समर्थाच्या नांवें । भलतेसें विकावें ॥३॥ तुका ह्मणे सत्ता । वरी असते बहुतां ॥४॥

काही साध्य झालं नाही तरी जे येईल ते वागवत राहावं. एकदा कुणाचा दास झालो, म्हणवून घेतलं, की मग कोणी आपल्याला वेठीला धरत नाही. समर्थाच्या नावाने वाटेल ते काम करावं, वाटेल तसं विकावं. तुकाराम महाराज म्हणतात, अनेकांवर सत्ता चालवणारा तो मोठा धनी वरतीच बसलेला आहे - तोच सगळं सांभाळतो.