तुझे थोर थोर । भक्त करिती विचार ॥१॥ ॥ ध्रु. ॥ जपतपादि साधनें । मज चिंतवेना मनें ॥२॥ करुणावचनें । म्यां भाकावीं तुह्मां दीनें ॥३॥ तुका ह्मणे घेई । माझें थोडे फार ठायीं ॥४॥

तुझे मोठमोठे भक्त गहन विचार, चिंतन करतात. पण जप-तप यांसारखी साधनंही करण्याचा विचार माझ्या मनाला सुचतच नाही. म्हणून मी करुणेने भरलेल्या शब्दांत, अगदी लीन होऊन तुझ्याकडे याचना करतो. तुकाराम महाराज म्हणतात, माझं जे काही थोडंफार आहे तेवढं तरी स्वीकार कर.