लावुनि काहाळा । सुखें करितों सोहळा ॥१॥ ॥ ध्रु. ॥ सादवीत गेलों जना । भय नाहीं सत्य जाणां ॥२॥ गात नाचत विनोदें । टाळघागऱ्यांच्या छंदें ॥३॥ तुका ह्मणे भेव । नाहीं पुढें येतो देव ॥४॥

कर्णा (रणशिंग) वाजवून मी आनंदाने उत्सव साजरा करतो आहे. लोकांना हाक मारत मी निघालो आहे - खात्रीने जाणून घ्या, इथे कसलीच भीती नाही. टाळ आणि घुंगरांच्या तालावर गातगात, नाचतनाचत, आनंदाने मी हे करतो आहे. तुकाराम महाराज म्हणतात, इथे भीती नाहीच - उलट देव स्वतः पुढे येऊन भेटतो.