काय नव्हे केलें । एका चिंतितां विठ्ठले ॥१॥ ॥ध्रु.॥ सर्वसाधनांचें सार । भवसिंधु उतरी पार ॥२॥ योगयागतपें । केलीं तयानें अमूप ॥३॥ तुका ह्मणे जपा । मंत्र तीनाक्षरी सोपा ॥४॥

फक्त विठ्ठलाचं एकदा चिंतन केलं तरी काय साध्य होत नाही, सगळं साध्य होतं! ॥१॥ ध्रु.॥ हे सगळ्या साधनांचं सार आहे, हे संसारसागर पार करून नेतं. ॥२॥ जणू काही त्याने योग, यज्ञ आणि तपश्चर्या भरपूर प्रमाणात करून टाकली, एवढं मोठं फळ मिळतं. ॥३॥ तुकाराम म्हणतात, जप करा - विठ्ठल हा तीन अक्षरांचा सोपा मंत्र आहे. ॥४॥