भूतीं भगवंत । हा तों जाणतों संकेत ॥१॥ ॥ ध्रु. ॥ भारी मोकलितों बाण । ज्याचा त्यासी कळे गुण ॥२॥ करावा उपदेश । निवडोनि तरि दोष ॥३॥ तुका ह्मणे वाटे । चुकतां आडरानें कांटे ॥४॥

सर्व प्राणिमात्रांत भगवंत आहे, हाच खरा गर्भितार्थ मी जाणतो. मी जोरात बाण सोडतो, पण ज्याच्यासाठी तो असतो त्यालाच त्याचा अर्थ कळतो. उपदेश करायचा असेल तर आधी दोष नीट ओळखून मगच करावा. तुका म्हणतो, वाट चुकून आडरानात गेलं की काट्याकुट्यांतून जावं लागतं.