दीप न देखे अंधारा । आतां हें चि करा जतन ॥१॥ ॥ध्रु.॥ नारायण नारायण । गांठी धन बळकट ॥२॥ चिंतामणीपाशीं चिंता । तत्त्वता ही नयेल ॥३॥ तुका ह्मणे उभयलोकीं । हे चि निकी सामग्री ॥४॥

दिव्याला अंधार दिसत नाही; तसेच हे एकच जपून ठेवा ॥१॥ नारायण नारायण हेच नाम म्हणजे कंबरेला घट्ट बांधलेले खरे धन आहे ॥२॥ चिंतामणीजवळ खरोखरच चिंता कधी फिरकत नाही ॥३॥ तुकाराम म्हणतात, दोन्ही लोकांत (इहलोकी आणि परलोकी) हीच खरी चांगली शिदोरी आहे ॥४॥