भाग्यें ऐसी जाली जोडी । आतां घडी विसंबेना ॥१॥ ॥ध्रु.॥ विटेवरी समचरण । संतीं खुण सांगितली ॥२॥ अवघें आतां काम सारूं । हा चि करूं कैवाड ॥३॥ तुका ह्मणे खंडूं खेपा । पुढें पापापुण्याच्या ॥४॥

भाग्याने अशी जोड मिळाली की आता एक क्षणही तिच्याशिवाय राहवत नाही. विटेवर समचरण उभा असलेला देव - ही खूण संतांनी सांगितली. आता हेच एक काम आपण पूर्ण करू, हाच एक प्रयत्न (उद्योग) करू. तुकाराम म्हणतात, यापुढे पाप-पुण्याच्या फेऱ्या आपण संपवून टाकू.