पतिव्रते जैसा भ्रतार प्रमाण । आह्यां नारायण तैशापरी ॥१॥ सर्वभावें लोभ्या आवडे हें धन । आह्यां नारायण तैशापरी ॥२॥ तुका ह्मणे एकविध जालें मन । विठ्ठला वांचून नेणे दुजें ॥३॥

जशी पतिव्रता स्त्री आपला पतीच सर्वस्व मानते, तसाच आम्हांला नारायण हाच एकमेव आधार आहे. जसं लोभी माणसाला सर्वभावाने धन आवडतं, तसाच आम्हांला नारायण आवडतो. तुकाराम म्हणतात, माझं मन आता एकविध (एकाग्र) झालं आहे, विठ्ठलाशिवाय दुसरं काही ते जाणत नाही.