नव्हती माझे बोल । अवघें करितो विठ्ठल ॥१॥ ॥ध्रु.॥ कांहीं न धरावी खंती । हित होइल धरा चित्तीं ॥२॥ खोटी ते अहंता । वाट टाकिली सांगतां ॥३॥ ज्याचें तो चि जाणें । मी मापाडें तुका ह्मणे ॥४॥

हे शब्द माझे नाहीतच, हे सगळं विठ्ठलच करवून घेतो. मनात काहीही खंत बाळगू नका, हित होईल असं मनात धरा. अहंकार बाळगणं खोटेपणाचं आहे, ती वाट मी टाकून दिली, हे मी सांगतो आहे. ज्याचं आहे तेच तो जाणतो, मी तर फक्त निमित्तमात्र आहे, असं तुकाराम म्हणतात.