संत कबीर · सद्गुरू आणि शब्द
जिभेवर न येणारा शब्द
शब्द-शब्द सब कोई कहैं, वो तो शब्द विदेह। जिभ्या पर आवै नहीं, निरखि परखि करि लेह॥
‘शब्द, शब्द’ असे सगळेच म्हणत असतात. पण तो शब्द विदेह आहे; त्याला देहच नाही. तो कधी जिभेवर येत नाही. त्याला नीट निरखा, आणि स्वतः पारखून घ्या. खरा शब्द म्हणजे एखादा ध्वनी किंवा घोकायचे वाक्य नव्हे. तो सांगता येत नाही. प्रत्येकाने तो स्वतः पाहायचा, आणि स्वतःच तपासायचा असतो.