मनाचे श्लोक
पुढे होणारा कलंकी
अनाथां दिनाकारणें जन्मताहे। कलंकी पुढें देव होणार आहे। जया वर्णितां सीणली वेदवाणी। नुपेक्षी कदा देव भक्ताभिमानी॥
अनाथांसाठी, दीनांसाठी देव पुन्हा पुन्हा जन्म घेतो; भक्तांचा अभिमान बाळगणारा तो त्यांना कधीच अंतर देत नाही. पुढच्या काळात तो कलंकी होणार आहे, अवतारांतला शेवटचा. त्याचे वर्णन करताना वेदवाणीही थकून गेली. कथा सांगतात, की या कलियुगाच्या शेवटी पांढऱ्या घोड्यावर बसून, हाती तलवार घेऊन कलंकी येईल, आणि जगाची घडी पुन्हा नीट बसवेल. या श्लोकांनी आतापर्यंत ज्या अवतारांची नावे घेतली, त्यांपैकी फक्त तोच अजून यायचा आहे.