सदा स्वरूपानुसंधान। हें मुख्य साधूचें लक्षण ।
जनीं असोन आपण । जनावेगळा ॥ ९ ॥
सदा स्वरूपाचे अनुसंधान असणे, म्हणजे आपल्या खऱ्या स्वरूपाकडे सतत लक्ष लागून राहणे, हेच साधूचे मुख्य लक्षण. तो लोकांत राहतो, पण लोकांहून वेगळा असतो.
सिद्धाच्या लक्षणांच्या या समासात समर्थ आधी एक सावधगिरी सांगतात. सिद्ध म्हणजे स्वरूपच; खरे तर त्याचे लक्षण सांगता येत नाही. तरी साधकाला विवेक कळावा, म्हणून ते काही लक्षणे सांगतात.
याची सुरुवात कशी होते, ते पुढची ओवी सांगते. स्वरूपाकडे दृष्टी वळताच त्याची संसाराची चिंता तुटून गेली, आणि त्याला निरूपणाची, अध्यात्माच्या विवरणाची ओढ लागली.