निवडक दासबोध ओव्या · The Guru and the Seeker
सद्गुरुसी काये पुसावें · दासबोध १२.३.३-४
सद्गुरुसी काये पुसावें । हेंहि कळेना स्वभावें । अनन्यभावें येकभावें । दोनी गोष्टी पुसाव्या ॥ ३ ॥ दोनी गोष्टी त्या कोण । देव कोण आपण कोण । या गोष्टींचे विवरण । केलेंचि करावें ॥ ४ ॥
भक्ताच्या या समासाच्या आरंभी समर्थ सांगतात, इहलोक साधायचा असेल तर जाणत्याची संगत धरावी, आणि परलोक साधायचा असेल तर सद्गुरू हवा. सद्गुरू म्हणजे आत्मज्ञान देणारा खरा गुरू. पण सद्गुरूला काय विचारावे, हेही माणसाला सहज कळत नाही. समर्थ सांगतात, अनन्य भावाने, एकाग्र मनाने त्याला दोनच गोष्टी विचाराव्यात. त्या दोन गोष्टी कोणत्या? देव कोण, आणि आपण कोण. या गोष्टींचे विवरण पुन्हा पुन्हा करावे, केलेलेच पुन्हा करावे.