निवडक दासबोध ओव्या · The Guru and the Seeker
संसार मिथ्या ऐसा कळला · दासबोध १४.७.२५-२६
संसार मिथ्या ऐसा कळला । ज्ञान समजोन निघोन गेला । तेणें जन पावन केला । आपणाऐसा ॥ २५ ॥ येके संगतीनें तरती । येके संगतीनें बुडती । याकारणें सत्संगती । बरी पाहावी ॥ २६ ॥
युगधर्माच्या या समासात समर्थ घर सोडून जाणाऱ्या नाना लोकांचे चित्र रेखाटतात. कोणी वेडेपणाने संसार सोडतो आणि कष्टत मरतो, कोणी रागाने निघतो आणि भांडतच मरतो. कोणी अज्ञानीच निघतो, आणि त्याच्यामागे लागलेले लोकही अज्ञानीच राहतात. पण ज्याला संसार मिथ्या आहे हे खरोखर कळले, जो ज्ञान समजून घेऊन निघाला, त्याने लोकांनाही आपल्यासारखे पावन केले. एका संगतीने माणसे तरतात, तर दुसऱ्या संगतीने बुडतात. म्हणून चांगली सत्संगती पारखून धरावी, असे समर्थ सांगतात.