निवडक दासबोध ओव्या · The Mahant: Leading People
बहुतीं शोधून पाहिलें · दासबोध ११.१०.१६
बहुतीं शोधून पाहिलें । बहुतांच्या मनास आलें । तरी मग जाणावें साधिलें । महत्कृत्य ॥ १६ ॥
निस्पृहाच्या वर्तणुकीच्या या समासात समर्थ स्वतःसाठी काहीच न इच्छिणाऱ्या साधकाचे चित्र रेखाटतात. तो कुठे जाणार, ते सांगत नाही. सांगितले, तर तेथे जात नाही. लोकांनी जे ठरवले, ते तो चुकवतो. लोकांनी कल्पना केली, तर ती लागत नाही. असा तो योगेश्वर, आणि तरी तो एक क्षणही कथाकीर्तन सोडत नाही. अनेकांनी शोधून पाहिले, आणि अनेकांच्या मनाला ते पटले, तरच महत्कार्य साधले, असे जाणावे, असे समर्थ सांगतात. पुढच्या ओवीत ते म्हणतात, सतत एकांत सेवावा, अभ्यास करीत राहावा, आणि लोकांसहित आपला काळ सार्थकी लावावा.