निवडक दासबोध ओव्या · The Mahant: Leading People
जो बहुतांचे सोसीन · दासबोध ११.५.१८
जो बहुतांचे सोसीन । त्यास बहुतेक लोक मिळेना । बहुत सोसितां उरेना । महत्व आपुलें ॥ १८ ॥
राजकारणाच्या या समासात समर्थ समुदाय सांभाळणाऱ्याला माणसे हाताळण्याची कला सांगतात. आधीच्या ओव्यांत ते म्हणतात, दुसऱ्याची इच्छा जाणावी, आणि अनेकांचे पुष्कळ सोसावे. ते सोसवत नसेल, तर दुसऱ्या प्रदेशात निघून जावे. दुसऱ्याचे दुःख जाणावे, आणि समुदायाचे बरे-वाईट सोसावे. या ओवीत समर्थ या सोसण्याची मर्यादा सांगतात. जो अनेकांचे सोसत नाही, त्याला बहुतेक लोक मिळत नाहीत. पण फार सोसत गेले, तर आपले महत्त्वच उरत नाही.