क्षणाक्षणां रुसों नये । लटिका पुरुषार्थ बोलों नये ।
केल्याविण सांगों नये । आपला पराक्रमु ॥ ११ ॥
क्षणाक्षणाला रुसू नये. खोटा पुरुषार्थ बोलू नये, न केलेल्या मोठेपणाच्या गोष्टी सांगू नये. आणि आपला पराक्रम करून दाखवल्याशिवाय त्याचे वर्णन करू नये.
रुसणारा आणि बढाया मारणारा, हे उत्तम लक्षणांच्या या समासात समर्थ ज्यांच्याविषयी सावध करतात, त्यांपैकी. अति राग करू नये, जिवलगांना दुखवू नये, शिकवणीचा मनात वीट मानू नये, असे ते आधीच्या ओवीत सांगतात.