श्रीरामकृष्ण परमहंस · साधना
आगीवरचे ओले लाकूड
“ओले लाकूड आगीवर ठेवले, तर लवकरच सुकते, आणि शेवटी पेट घेते. तसेच, साधूंची संगत संसारी स्त्री-पुरुषांच्या अंतःकरणातला कामिनी-कांचनाचा ओलावा घालवते. मग त्यांच्यात विवेकाची आग पेटते.”
विवेक म्हणजे सत्य आणि मिथ्या यांतला फरक ओळखण्याची शक्ती: देव आणि संसारातल्या नाशवंत गोष्टी यांतला फरक. कामिनी म्हणजे स्त्री, कांचन म्हणजे सोने. कामिनी-कांचन या शब्दांनी श्रीरामकृष्णांना कामवासना आणि पैशाचा मोह म्हणायचा होता.