मनाचे श्लोक
रामावर विश्वास नसेल तर
अहो ज्या नरा रामविश्वास नाहीं। तया पामरा बाधिजे सर्व कांहीं। महाराज तो स्वामि कैवल्यदाता। वृथा वाहणें देहेसंसारचिंता॥
ज्या माणसाचा रामावर विश्वास नाही, तो बिचारा पामर; त्याला सगळेच काही बाधते. राम हा महाराज आहे, स्वामी आहे; तो कैवल्य, म्हणजे अंतिम मुक्ती, देणारा आहे. देहाची आणि संसाराची चिंता वाहत बसणे व्यर्थ आहे. श्लोकातला ‘वाहणे’ हा शब्द ओझे डोक्यावर वाहण्याचा आहे, हमाल वाहतो तसा. विश्वास नसलेला माणूस देहाची आणि संसाराची काळजी स्वतःच्या डोक्यावर वाहतो; आणि अंतिम मुक्ती देणारा स्वामी तर अगदी जवळ असतो.