निवडक दासबोध ओव्या · Worldly Life Done Well
आपला आपण करी कुडावा · दासबोध १७.७.८
आपला आपण करी कुडावा । तो आपला मित्र जाणावा । आपला नाश करी तो समजावा । वैरी ऐसा ॥ ८ ॥
जो आपले हित आपणच करतो, तो आपला मित्र जाणावा. आणि जो आपला नाश आपणच करतो, तो आपला वैरी समजावा. कुडावा म्हणजे आधार, आपले भले साधणे. संगतीचा माणसावर होणारा परिणाम समर्थ येथे सांगतात. चांगली संगत लाभली, तर उसात गोडी यावी तसे होते. वाईट संगत म्हणजे फोफावलेली विषवेल, प्राण्याला घातक. ज्याला स्वहितच करायचे आहे, त्याला फार सांगावे लागत नाही; हे ज्याचे त्यानेच समजायचे असते, असे ते आधी म्हणतात. पुढच्या ओव्यांत ते म्हणतात, जो आपले अहित आपणच करायला निघाला, त्याला कोण आडवे येणार? तो एकांतात जाऊन आपणच आपल्याला मारतो. म्हणून उत्तम संगत धरावी आणि आपली चिंता आपणच करावी.